Уҫӑ уроксем, класс сехечӗсем иртрӗҫ…

Ака уйӑхӗн 19-25-мӗшӗсенче Мӑн Явӑш шкулӗнче чӑваш чӗлхипе литература эрнине ирттерме палӑртрӑмӑр. Ҫавна май, ака уйӑхӗн 19-мӗшӗнче, шкулта уҫӑ уроксем тата уҫӑ класс сехечӗсем иртрӗҫ. Класс сехечӗсене Чӑваш Енӗн сумлӑ ентешӗсене халалланӑ. 1-9 класра вӗренекенсем уроксенче, класс сехечӗсенче илнӗ пӗлӳпе усӑ курса, класс ертӳҫисем пулӑшнипе, стена хаҫачӗсем кӑларчӗҫ, вӗсене коридорта пурне те курӑнмалла ҫакса хучӗҫ. Чӑваш Ен сумлӑ ӗҫченсемпе питӗ пуян: ҫыравҫӑсем те, тӗпчевҫӗсем те, космонавтсем те, ӳнер ӑстисем те, спорт ӑстисем те, архитекторсем те вырӑн тупнӑ кунта. Мӗн чухлӗ ят асӑнмарӑмӑр-ши эпир уҫӑ мероприятисенче? Вӗренекенсем те пӗтӗмлетӳ турӗҫ: «Мухтавлӑ, чаплӑ ентешсемпе пуян пирӗн Чӑваш Ен».