Ака уйӑхӗн 20-мӗшӗнче «Чӑваш Енӗн сумлӑ ентешӗсем» олимпиада иртрӗ. Ку олимпиадӑна Мӑн Явӑш шкулӗнче ӗҫлекен учительсем хастар хутшӑнчӗҫ. Олимпадӑра чӑваш ҫыравҫисемпе, чӗлхеҫисемпе, филологӗсемпе, тӗпчевҫисемпе ҫыхӑннӑ ыйтусем чылай пулчӗҫ. Апла пулин те шкул ӗҫченӗсем аптрамарӗҫ-ха. «Эпир хамӑра тивӗҫлӗ хаклава йышӑнма хатӗр», - теҫҫӗ учительсем. Ҫитес кунсенче эпир вӗрентӳ институчӗн сайтӗнче олимпиадӑн пӗтӗмлетӗвӗсемпе паллашма пултаратпӑр.