2022 ҫул Раҫҫей халăхĕсен культура еткерĕн ҫулталăкĕ тесе палăртнă. Ҫавна май пуш уйăхĕн 23-мĕшĕнче Мăн Явăш шкулĕнче 6-мĕш класра вĕрененкенсем «Чăвашсен ваттисен сăмахĕсемпе каларăшĕсем» викторинăна хутшăнчĕҫ. Ваттисен сăмахĕсем – ламран лама куҫса пыракан, ăса вĕрентекен сăнарлă сăмахсем. Вĕсем шухăша кĕскен те ҫивĕччĕн, ытарлăн палăртаҫҫĕ. Ваттисен сăмахĕсенче халăхăн кун-ҫулĕ, ăс-хакăлĕ, шухăшлавĕ, тĕнчекурăмĕ ӳкерĕннĕ. Викторина ыйтăвĕсене хуравласа ачасем тивĕҫлĕ сертификатсем илме пултарчĕҫ. Чи маттуррисен шутне Владимирова О. кӗме пултарчӗ.