ТӐВАН ЧӖЛХЕ – ПӖЛӲ ЧӖЛХИ
И.Я. Яковлев ячĕллĕ Чăваш патшалăх педагогика университетĕнчи чăваш тата вырăс филологийĕн факультечĕ ака уйăхĕн 20-мĕшĕнчен пуçласа 25-мĕшĕччен чăваш чĕлхи кунне халалланă «Тăван чĕлхе – пĕлÿ чĕлхи» онлайн викторина ирттерет.
Викторинăн тĕп тĕллевĕсемпе задачисем – вĕренекенсен тăван чĕлхепе литература пĕлĕвне анлăлатасси; çамрăксене тăван халахăн çыруллă, сăмах
вĕççĕн çÿрекен культурипе паллаштарасси; тăван çĕре, патшалăха хисеплес
туртăма аталантарма тата ачасен тавра курăмне ÿстерме пулăшасси; анне
чĕлхи урлă вĕренекенсене наци тата этнос харпăр хăй ăнланулăхне йĕркелеме
пулăшасси; ачасемпе çамрăксен чĕлхин сăмах пуянлăхне ÿстерме, ытарлăхĕпе сăнарлăх туйăмне аталантарма майсем туса парасси.
Викторинăна Раççей Федерацийĕн регионĕсен тата Чăваш Республикин
пĕтĕмĕшле пĕлу паракан вĕренÿ учрежденийĕсен 7–11-мӗш класӗсенче вӗренекенсене хутшăнма чĕнеççĕ. Сертификатсене электрон майпа хутшӑнакансем пурте илме пултараҫҫӗ. Ҫавна май Мӑн Явӑш шкулӗнче вӗренекен 8-9 классенчи ачасем ку онлайн викторинӑна хутшӑнчӗҫ. Вӗсем чи пысӑк баллсем пухса тивӗҫлӗ сертификатсем илме пултарчӗҫ. Малалла та вӗсене ӑнӑҫусем сунатпӑр!