Каникул вӑхӑчӗ – савӑнӑҫлӑ вӑхӑт, кану вӑхӑчӗ. Мӑн Явӑш шкулӗнче вӗренекенсем вара канӑва та усӑллӑ ирттереҫҫӗ, вӗренӳ ҫинчен те манмаҫҫӗ. Акӑ каникул вӑхӑтӗнче социаллӑ сетсемпе усӑ курса ачасем «ТᾸВАН ЕН - ВᾸРНАР ЕН» викторинӑна хутшӑнчӗҫ. Хутшӑнакансен йышӗнче 5-9-мӗш класра вӗренекен ачасем пулчӗҫ. Вӗренекенсем тӑван ен историне шырарӗҫ, тӗпчерӗҫ, хӑшӗ-пӗри ҫӗнӗлӗхсем те уҫрӗ, тавракурӑмӗсене те аталантарчӗҫ. Чи активлисем 5-6 класра вӗренекенсем пулчӗҫ. Чи маттуррисен шутӗнче вара 5-мӗш класра вӗренекен Миронов А., Владимирова О., Смирнов М. пулчӗҫ. Вӗсем пур ыйтӑва та тӗрӗс хуравласа малтисен ретне йышӑнма пултарчӗҫ.