Чӑн та, Мӑн Явӑш шкулӗнче чӑваш чӗлхине юратакан, хисеплекен, ӑна чи малти вырӑна хуракан ачасем ҫитӗнеҫҫӗ. Ахальтен мар «Янрать чӑваш сӑвви» ятлӑ илемлӗ вулакансен конкурсне чылайӑн пухӑннӑ. Вӗренекенсем тӗрлӗрен темӑллӑ сӑвӑсем вуларӗҫ: вӑрҫӑ ҫинчен, атте-анне ҫинчен, Тӑван ҫӗршыв, тӑван кӗтес ҫинчен, чӑваш чӗлхи ҫинчен. Уйрӑмах 11 класра вӗренекен Журавлева Елена А. Артемьевӑн «Салампи» хайлавӗнчи «Эй, салтак амӑшӗ!» сыпӑка чуна пырса тивмелле вулама пултарчӗ. Кузьмина Алина вара космос темипе ҫырнӑ «Ҫӑлтӑрсем чӗнеҫҫӗ» ятлӑ хӑйӗн сӑввине вуларӗ. Ӑна вӑл Андриян Николаева халалланӑ. Ку конкурсра чи активлисем 7 класра вӗренекенсем пулчӗҫ. Пурте маттур, пурте пултаруллӑ пулчӗҫ конкурсра.