Ватта сума сӑвакан хӑй те сумлӑ пулакан
5-мӗш класра «Ватта сума сӑвакан хӑй те сумлӑ пулакан» темӑпа класс сехечӗ иртрӗ. Класс сехечӗн тӗп тӗллевӗ: 1) Аслӑ ӱсӗмри ҫынсене, ватӑ ҫынсене, хисеплеме, йывӑр вӑхӑтра пулӑшу аллине пама вӗрентесси; 2) ӑшӑ сӑмахсем каласа ватӑсен чуне йӑпатма хӑнӑхтарасси. Ачасем хӑйсем ватӑсене пулӑшни ҫинчен, ырӑ ӗҫсем туни ҫинчен каласа пачӗҫ. Ҫавӑн пекех ку темӑпа эпир тӗрлӗрен юрӑ-сӑвӑ аса илтӗмӗр. Кашни вӗренекен хӑйсен кукашшӗ-кукамӑшне, аслашшӗ-асламӑшне аса илчӗҫ, вӗсене юратни, хисеплени ҫинчен каласа пачӗҫ. Класс сехечӗ вӗҫӗнче 5-мӗш класра вӗренекенсем илемлӗ концерт программи хатӗрлесе ваттисен уявӗнче кӑтартма калаҫса татӑлчӗҫ.