7-мĕш класра Алексей Александрович Воробьев çуралнăранпа 90 çул çитнине халалласа «Мăн Явăшсен мухтавлă поэчĕ – А. Воробьев» ятпа класс сехечĕ иртрĕ. Эпир поэтăн кун-çулĕпе, пултарулăхĕпе паллашрăмăр. Поэт хăй çуралса ÿснĕ тавралăха сăнлакан «Тăван ялăм», «Кипенек», уй-хире сăнлакан «Çурхи хирте», «Салам, уй-хирĕм», «Çăкăр», вăрçă темипе çырнă «Вăрçă ачисене…», «Вăрçă чарăннă кун» сăвви-поэмине вуларăмăр. Казакова Елена, Леонтьев Николай, Федорова Елена поэт сăввисене илемлĕ вуласа пачĕç.