Чăваш чĕлхи кунне уявлама Мăн Явăш шкулне йышлăн пуçтарăнчĕç. Аслă патриархăмăр, Иван Яковлевич Яковлев, чăваш халăхне парса хăварнă халала вĕренекенсемпе пĕрле итлерĕмĕр. Халалри шухăшсене ăша хыврăмăр. Çавăн пекех 6-мĕш класри Казакова Елена «Чăваш чĕлхи – тăван чĕлхе» ятлă презентацине кăтартса доклад туса пачĕ. Чăваш чĕлхине юратса, çÿле çĕклес тесе ĕçленĕ поэтсен: Петĕр Хусанкайăн, Çеçпĕл Мишшин, Митта Ваçлейĕн, Ухсай Яккăвĕн сăввисемпе паллаштарчĕ. Иван Яковлевич Яковлевăн чăваш халăхĕшĕн тунă пархатарлă ĕçĕ çинчен каласа пачĕ. Уяв пуриншĕн те савăнăçлă та усăллă иртрĕ.