Ака уйǎхĕн 23-мĕшĕнче 5-мĕш класра уçǎ урок йĕркелерĕмĕр. Уçǎ урокǎн теми: «Ухсай Яккǎвĕн пултарулǎхĕ. «Çурхи ÿкерчĕк» сǎвви». Урокра Ухсай ачалǎхĕ çинчен калаçрǎмǎр, унǎн сǎввине вуларǎмǎр. Çак сǎвǎ тǎрǎх тĕрлĕрен калаçусем  ирттертĕмĕр. Çуркунне çинчен калакан ваттисен сǎмахĕсене тупрǎмǎр, картина тǎрǎх çыхǎнуллǎ текст тума хǎнǎхрǎмǎр. Хамǎр шухǎша туллин те илемлĕ уçса пама вĕрентĕмĕр. Ачасем урокра активлǎ ĕçлерĕç. Учитель те, ачасем те урокпа кǎмǎллǎ юлчĕç.